Эл аралык мамилелер факультети: Ата Мекенди сүйүү өз жериңден башталат

2014-11-15 13:46:41 94

2014-жылы 15-ноябрында эл аралык мамилелер факультетинин "Аймак таануучу" ийриминин (жетекчиси, профессор А.Низамиев) мүчөлөрү "Сулайман-Тоо" улуттук тарыхый музейи менен таанышып чыгышты. Музей экспонаттары менен аталган музейдин менеджмент жана маркетинг боюнча директордун орун басары, факультеттин араб тили боюнча окутуучусу Ш.Носиров тааныштырды. Музейге жүрүш жасоо "Ата Мекен эмнеден башталат? Ата Мекен өз жериңди таануудан жана сүйүүдөн башталат" деген максатта болду. Мында студенттер Кыргызстандын түштүгүнүн жаратылышы, аны изилдеген окумуштуулар, аймактын тарыхый өнүгүү өзгөчөлүгү, социалдык-экономикалык өнүгүүсү, ага салымын кошкон инсандар жөнүндө маалыматтарды алышты. Эске сала кетсек, "Аймак таануучу" ийрими 2014-жылда негизделип, окуу усулдарын үйрөнүү, илим изилдөө иштерине киришүү, эл-жерди таануу, спорттук-туристтик иш-чараларды уюштуруу сыяктуу иш-аракеттерди максат кылат.