Эл аралык мамилелер факультети этникалык көп түрдүүлүктү изилдейт

2014-11-19 14:28:59 101

Эл аралык мамилелер факультетинин профессордук-окутуучулук жана студенттер жамааты 2014-жылдын 19-ноябрында ОшМУ менен Кыргызстан элдеринин ассамблеясы тарабынан уюштурулган "Этникалык көп түрдүүлүк - өлкөбүздүн байлыгы" аттуу илимий-практикалык конференцияга активдүү катышышты. Анда эл аралык мамилелер кафедрасынын доценттери Абазбек уулу Р., Бөтөнөев Ж.С., аймак таануу кафедрасынын доценттери Ибрагимова С.С., Сулайманов Ж.М. илимий баяндамалары менен чыгышты. Айтып өтсөк, эл аралык мамилелер факультети улуттар жана этностор аралык өз ара карым-катнаш мамилелерин, маданий жакындык, тынчтык жана ынтымактык маселелерин, күтүлүүчү тобокелчиликтердин жана конфликттердин келип чыгуу себептерин жана алардын жоюу жолдорун изилдеген университеттин негизги илимий борборлорунун бири болуп саналат.