"Аймак таануучу" ийриминин мүчөлөрү Өзгөн шаарында

2014-11-24 10:55:41 95

2014-жылдын 22-ноябрында эл аралык мамилелер факультетинин алдындагы "Аймак таануучу" ийриминин мүчөлөрү бекитилген иш-план боюнча Өзгөн шаарында болушту. Анда алар имам аль-Сарахсинин (1009-1090-жылдар) күмбөзүнө зыярат жасашып, анын өмүр баяны жана калтырып кеткен эмгектери менен таанышышты. Андан кийин Өзгөн тарыхый-архитектуралык комплексинде болушуп, мунаранын жана күмбөздүн тарыхы боюнча кеңири маалымат ала алышты. Мындай кызыктуу маалыматтарды Өзгөн тарыхый шаарынын тарыхый-архитектуралык эстеликтерин калыбына келтирүүгө зор салымын кошкон шаардагы белгилүү архитектор Авазбек Турсунбаев айтып берди. Саякат байыркы Өзгөн базары менен таанышуу жана даамдуу тамагын татуу менен аяктады.