Биздин студенттер Сеул шаарында көктөм майрамын белгилешти

2018-03-27 09:37:19 93

Түштүк Кореянын жогорку окуу жайларында билим алмашып жаткан Ош мамлекеттик университетинин эл аралык мамилелер факультетинин 10 студенти Сеул шаарында нооруз майрамын белгилешти. Аталган иш чарада студенттер Кыргызстандын Түштүк Кореядагы ыйгарым укуктуу элчиси Кылычбек Султанов менен таанышып, майрамдык иш чарага активдүү катышышты. Стеденттер кыргыздын улуттук ыр-бийлерин аткарышып, улуттук баалуулуктарыбызды даңазалашты. Ошондой эле нооруздун негизги тамагы болгон сүмөлөк менен келген конокторду даам сыздырышты. Жогорудагы маалыматтар менен бизге Түштүк Кореяда академиалык мобилдүүлук программасынын алкагында билим алып жүргөн студенттерибиз бөлүшүштү. Тактап айтсак, Түштүк Кореянын Сеул университетинде Бексултан Аматов, Бексок университетинде Аксана Боромбаева, Бегайым Нормирзаева, Нуржамал Аданбаева, Абдыкадыр кызы Жаркынай, Ханянг университетинде Эркинбек кызы Аймүрөк, Чонбук улуттук университетинде Аттокур кызы Аида, Жеңишбек кызы Жайнагул, Замирбек кызы Нускайым, Донг-А университетинде Матмуса уулу Сардарбек сыяктуу студенттерибиз билимин өркүндөтүп жүрүшөт.